नाशिक : 2 लाख 10 हजार रुपयांची लाच घेताना गटविकास अधिकाऱ्याला लाच लाच लूचपत प्रतिबंधक विभागाने रांगेहाथ पकडले आहे.
महेश गोकुळ पोतदार, गट विकास अधिकारी गट- अ (वर्ग 1) , पंचायत समिती, सुरगाणा असे लाच घेणाऱ्या अधिकाऱ्याचे नाव आहे.
याबाबत अधिक माहिती अशी की, तक्रारदार हे महात्मा गांधी रोजगार हमी योजने मध्ये सुरगाणा तालुक्यातील गावांमध्ये पुरवठादार म्हणून काम करत असून महेश गोकुळ पोतदार, गटविकास अधिकारी गट- अ (वर्ग 1),पंचायत समिती, सुरगाणा यांनी तक्रारदार यांचे महात्मा गांधी राष्ट्रीय ग्रामीण रोजगार हमी योजने मध्ये यांचे थकीत सुमारे 2 कोटी 32 लाख 30 हजार 27 रुपयेचे बिल काढण्याच्या मोबदल्यात त्यांच्याकडे 2 लाख 10 हजार रुपयांची लाच मागितली. त्या संदर्भात तक्रारदार यांनी लाच लुचपत प्रतिबंधक विभागाकडे तक्रार केली होती.
या तक्रारीच्या अनुषंगाने पडताळणी करण्यात आली असता पोतदार यांनी तक्रारदार यांच्याकडे 2,10,000/- रुपयाची मागणी करून ती स्वीकारण्याची तयारी दाखवून 2,10,000 रुपये स्विकारले. त्यांच्या विरुद्ध सुरगाणा पोलीस स्टेशन येथे भ्रष्टाचार प्रतिबंध अधिनियम सन 1988 चे कलम 7 अन्वये गुन्हा दाखल होत आहे.
ही कारवाई पोलीस अधीक्षक शर्मिष्ठा वालावलकर यांच्या मार्गदर्शनाखाली पोलीस निरीक्षक राजेंद्र सानप, पो ना किरण धुळे, पो ना विलास निकम, चालक पो. हवा. संतोष गांगुर्डे यांनी केली.
