नाशिक : १० हजार रुपयांची लाच मागून पहिला हफ्ता म्हणून ५ हजारांची लाच घेताना एका महिला अधिकाऱ्याला लाच लुचपत प्रतिबंधक विभागाने रंगेहाथ पकडले आहे.
श्रीमती माधुरी सुनिल भागवत (वय ३८, रा. पिंप्राळा, जळगाव.) असे लाच घेणाऱ्या जळगावच्या जिल्हा दिव्यांग सक्षमीकरण अधिकाऱ्याचे नाव आहे.
याबाबत अधिक माहिती अशी की, यातील तक्रारदार हे भौतिक उपचार तज्ञ तथा प्रभारी अधिक्षक वर्ग २ या पदावर शासकिय दिव्यांग समिश्र केंद्र, जळगांव या कार्यालयात कार्यरत आहेत. ते दि. १४ जुलै रोजी पगार बिलाच्या कामासंदर्भात जिल्हा दिव्यांग विभाग, जिल्हा परीषद कार्यालय, जळगांव येथे गेले असता, आरोपी श्रीमती माधुरी भागवत, जिल्हा दिव्यांग सक्षमीकरण अधिकारी यांची भेट घेतली.
त्यावेळी तक्रारदार यांचे जुन, २०२५ पगार बीलामध्ये काहीही त्रुटी न काढता पगार बीलाबर सह्या करून ते पुढे जिल्हा समाजकल्याण अधिकारी यांच्याकडे पाठवण्याच्या मोबदल्यात तक्रारदार यांच्याकडे १२,००० रूपये लाचेची मागणी केली. तक्रारदार यांना लाच देण्याची इच्छा नसल्याने त्यांनी दिनांक २२/०७/२०२५ रोजी लाच लुचपत प्रतिबंधक विभाग, जळगाव यांचेकडे लेखी तक्रार दिली होती.
या तक्रारीप्रमाणे दिनांक २२/०७/२०२५ रोजी लाचपडताळणी केली असता, श्रीमती माधुरी भागवत यांनी १०,००० रुपये लाचेची मागणी करून, तडजोडीअती प्रथम हफ्ता म्हणून ५,००० रूपये व उर्वरित ५,००० रुपये इतर बिले निघाल्यावर द्या, अशी लाचेची मागणी केल्याचे निष्पन्न झाले.
भागवत यांच्या मागणीप्रमाणे दिनांक २४/०७/२०२५ रोजी श्रीमती माधुरी भागवत यांनी तक्रारदार यांचेकडून ५,००० रूपये लाचेची रक्कम स्वतः स्वीकारताना रंगेहाथ पकडण्यात आले. भागवत यांचेविरुद्ध जळगाव शहर पोलीस ठाण्यात गुन्हा दाखल करण्याची प्रक्रिया
