देवळा (भ्रमर वार्ताहर) : चांदवड तालुक्यातील दिघवदची घटना ताजी असतानाच फुलेमाळवाडी (ता. देवळा) येथील गोविंदा बाळकृष्ण शेवाळे (वय ४०) या युवकाने पत्नी आणि दोन लहान मुले यांना संपवून स्वतःही फाशी घेतल्याची धक्कादायक घटना समोर येत आहे.आज सकाळी ६.३० वाजेच्या सुमारास ही घटना उघडकीस आली.
गोविंदा शेवाळे यांनी हे टोकाचे पाऊल उचलण्यापूर्वी सकाळी व्हॉट्स ॲपवर 'भावपूर्ण श्रद्धांजली' असे स्टेट्स टाकले होते.
हे स्टेट्स शेवाळे यांच्या लहान भावाने पाहिले आणि त्याला काहीतरी अनुचित घडल्याची शंका आली. त्याने तत्काळ इतर नातेवाईकांना फोनद्वारे याची माहिती दिली. त्यानंतर शेवाळे कुटुंबीयांच्या निवासस्थानी गेल्यावर भयानक घटना उघडकीस आली. घटनास्थळी मोठी गर्दी जमा झाल्याने पोलिसांनी जमावाला नियंत्रित केले. हत्या की आत्महत्या याबाबतच्या कारणांचा शोध घेण्यासाठी फॉरेन्सिक टीम तपासणी करणार आहे. स्वतःच्या मृत्यूचे संकेत देणारा 'भावपूर्ण श्रद्धांजली' हा स्टेटस पाहिल्यानंतर, ही घटना पूर्वनियोजित असावी अशी शक्यता व्यक्त होत आहे. या दुर्दैवी घटनेत कोमल गोविंद शेवाळे (वय ३५), ख़ुशी गोविंद शेवाळे (वय ८), श्याम गोविंद शेवाळे (दीड वर्षे) यांचा बळी गेल्याने त्यांचेमृतदेह स्वतःच्या घरात आढळून आल्याची घटना आज सकाळी घडली आहे.
यात युवक गोविंद शेवाळे याने स्वतः दोरीने फाशी घेऊन आत्महत्या केली असल्याचे दिसून येत आहे, तर पत्नी, एक मुलगी, एक मुलगा यांचा मृतदेह झोपलेल्या अवस्थेत असल्याचे प्रथम दर्शनी आढळून आले आहे. वपोलीस पोलीस निरीक्षक सार्थक नेहते यांच्यासह पोलीस घटनास्थळी उपस्थित असून अधिक तपासासाठी फॉरेन्सिक व्हॅन दाखल झाली आहे .
हृदय पिळून टाकणाऱ्या या घटने माळवाडी गावासह तालुक्यात एकच खळबळ असुन, घटनास्थळी नातेवाईकांनी हंबरडा फोडला. या घटनेवरून वाद होताच आई व भावाला पोलिसांनी पोलीस ठाण्यात हलवले आहे.
