प्रसिद्ध बांगलादेशी अभिनेत्री नुसरत फारिया अडचणीत सापडली आहे. अभिनेत्रीला ढाका येथील शाहजलाल आंतरराष्ट्रीय विमानतळावर अटक करण्यात आली आहे. त्यामुळे चाहत्यांना धक्का बसला आहे. माध्यमांच्या अहवालानुसार, ही अटक जुलै 2024 मध्ये शेख हसीना यांच्याविरोधात झालेल्या आंदोलनांदरम्यान खुनाच्या प्रयत्नाच्या प्रकरणाशी संबंधित आहे.
एका वृत्तपत्रानुसार, अभिनेत्रीला थायलंडला जाताना इमिग्रेशन चेकपॉइंटवर अडवण्यात आले. तिच्याविरुद्ध खुनाचा प्रयत्न केल्याच्या आरोपाखाली एक खटला दाखल आहे. अभिनेत्रीविरुद्ध अटक वॉरंट जारी करण्यात आले होते.
दरम्यान , बड्डा झोनचे सहायक पोलिस आयुक्त शफीकुल इस्लाम यांनी प्रथम आलोकला अभिनेत्रीच्या अटकेची पुष्टी केली. नुसरत फारियाला 2023 मधील ‘मुझिब: द मेकिंग ऑफ ए नेशन’ या चित्रपटात शेख हसीना यांच्या भूमिकेसाठी खूप ओळख मिळाली होती. हा चित्रपट बांगलादेश आणि भारताच्या संयुक्त प्रयत्नाने बनवला गेला होता. या चित्रपटाचे दिग्दर्शन प्रसिद्ध दिग्दर्शक श्याम बेनेगल यांनी केले होते.‘मुझिब: द मेकिंग ऑफ ए नेशन’ या चित्रपटामुळे ती प्रसिद्धीच्या शिखरावर पोहोचली. या चित्रपटामध्ये तिने बांगलादेशी माजी पंतप्रधान शेख हसीना यांची भूमिका साकारून खूप प्रशंसा मिळवली होती.
