महानगरपालिका आणि स्थानिक स्वराज्य संस्थांच्या निवडणुकीचे वारे जोरदार वाहत आहे. इच्छुकांकडूनही निवडणुकांसाठी जोरदार तयारी सुरु आहे. पक्षांतरालाही वेग आहे. गेल्या अनेक वर्षपासून थांबून असलेल्या निवडणूका अखेर येऊन ठेपल्या आहेत. कोणत्याही क्षणी राज्यातील निवडणुकीची घोषणा केली जाऊ शकते. पण त्याआधीच राज्य निवडणूक आयोगाकडून इच्छुक उमेदवाराला आनंदाचा धक्का दिला आहे.
आगामी स्थानिक स्वराज्य संस्थांच्या निवडणुकांमध्ये उमेदवारांच्या खर्चामध्ये वाढ करण्याचा निर्णय राज्य निवडणूक आयोगाने घेतला आहे. या आधी जिल्हा परिषदांसाठी सहा लाख आणि महापालिका निवडणुकांसाठी दहा लाखांची मर्यादा होती, ती आता वाढवण्यात आली आहे. महापालिका निवडणुकीसाठी सदस्य संख्येच्या आधारावर खर्चमर्यादा ठरवली जायची, आता ती वर्गवारीनुसार ठरवली गेली आहे.
तुमच्या शहरातील उमेदवार किती खर्च करणार?
मुंबई महापालिका, पुणे महापालिका नागपूर महापालिका - १५ लाख रुपये
पिंपरी चिंचवड नाशिक ठाणे महापालिका - १३ लाख रुपये
कल्याण डोंबिवली, छत्रपती संभाजी नगर, नवी मुंबई,वसई विरार - ११ लाख रुपये
ड वर्गातील 19 महापालिकांसाठी - ९ लाख रुपये
अ वर्ग नगर परिषद -
नगरसेवक -५ लाख रुपये
थेट नगराध्यक्ष- १५ लाख रुपये
ब वर्ग नगरपरिषद
नगरसेवक - साडेतीन लाख रुपये
नगराध्यक्ष - ११. २५ लाख रुपये
क वर्ग नगरपरिषद
नगरसेवक - २. ५०लाख रुपये
नगराध्यक्ष- ७. ५० लाख रुपये
नगरपंचायत
नगरसेवक-२. २५ लाख रुपये
नगराध्यक्ष- सहा लाख रुपये
