आज शुक्रवार अर्ज माघारी घेण्याचा शेवटचा दिवस असतानाच नाशिकमध्ये राजकीय हालचालींना मोठा वेग आला आहे. भाजपचे उमेदवार दिपक सुधाकर बडगुजर यांनी माघार घेतली. दिपक सुधाकर बडगुजर यांनी प्रभाग क्र. २५ ड मधून अर्ज माघारीघेतला असला तरी प्रभाग क्रमांक २९ अ मधून मात्र ते निवडणुक लढवणार असल्याचे त्यांनी स्पष्ट केले आहे.
या दरम्यान, नविन नाशिक विभागात आणखी एक मोठी घडामोड घडली आहे. भाजपच्या उमेदवार हर्षा बडगुजर यांनी देखील प्रभाग क्र. २५ मधून उमेदवारी मागे घेतली आहे. नविन नाशिक विभागातील प्रभाग क्रमांक २५ क मधून भाजपकडून उमेदवारी अर्ज दाखल केलेल्या हर्षा सुधाकर बडगुजर यांनी आपला उमेदवारी अर्ज मागे घेतला आहे.
त्यामुळे आता या प्रभागात २५ मधुन क गटातून भाग्यश्री ढोमसे व ड मधुन प्रकाश अमृतकर यांना भाजप पुरस्कृत करण्यात आल्याची घोषणा सुधाकर बडगुजर यांनी केली आहे.
