इंटेल इंडियाचे माजी प्रमुख अवतार सैनी (वय 68) यांचा दुर्देवी मृत्यू झाला.
नवी मुंबईत सकाळी ते सायकल चालवत असताना वेगात आलेल्या टॅक्सीने त्यांच्या सायकलला धडक दिली. यात अवतार सैनी यांचा मृत्यू झाला. काल पहाटे 5.50 च्या सुमारास हा दुर्देवी अपघात झाला.
नेरुळच्या पाम बीच रोडवर अवतार सैनी आपल्या अन्य सहकाऱ्यांसोबत सायकल चालवत होते. त्यावेळी ही अपघात झाला. अपघातानंतर चालकाने घटनास्थळावरुन पळून जाण्याचा प्रयत्न केला. सायकलचा मागचा भाग टॅक्सीच्या पुढच्या चाकाखाली आला.
या अपघातात अवतार सैनी यांना गंभीर मार लागला. सहकाऱ्यांनी त्यांना जवळच्या रुग्णालयात घेऊन गेले. पण डॉक्टरांनी तपासल्यानंतर त्यांना मृत घोषित केले.
