नाशिक पश्‍चिममध्ये ‘हिरे’ चमकल्या; मात्र, माजी महापौरांचे डिपॉझिट होणार जप्त

नाशिक
२३ नोव्हेंबर २०२४

नाशिक पश्‍चिममध्ये ‘हिरे’ चमकल्या; मात्र, माजी महापौरांचे डिपॉझिट होणार जप्त

दैनिक भ्रमर

नाशिक (भ्रमर प्रतिनिधी) :- विधानसभेच्या निवडणुकीत नाशिक पश्‍चिम मतदारसंघात मावळत्या आमदार सीमा हिरे चमकल्या. त्यांनी तब्बल 1 लाख 40 हजार 773 मते मिळविली, तर माजी महापौर दशरथ पाटील यांचे चक्क डिपॉझिट जप्त झाले आहे. त्यांना मतमोजणीच्या 30 फेर्‍या मिळून अवघी 1316 मते मिळाली आहेत. त्यामुळे पुन्हा एकदा दशरथ पाटील राजकीय विजनवासात जाण्याची शक्यता नाकारता येत नाही.

सिडको, सातपूर आणि गंगापूर रोडचा काही भाग असा मतदारसंघ असलेल्या नाशिक पश्‍चिम विधानसभा मतदारसंघात आ. सीमा हिरे या पूर्वी दोनदा निवडून आल्या आहेत. आता त्यांनी सलग तिसर्‍यांदा विधानसभेत जाण्याची हॅटट्रिक साधली आहे. मतदारसंघातील सर्वच भागांत विकासकामे आणि सर्वांशी सौम्य तथा सौजन्यशील वागणूक, त्याचबरोबर हिरे घराण्याचा वारसा यामुळे सीमा हिरे पुन्हा निवडून येतील, याबद्दल अनेक मतदारांना खात्री होती. त्यात लाडक्या बहिणींनीही लक्षणीय भर घातली.

मतदानाची आकडेवारी पाहता सीमा हिरे या 1 लाख 40 हजार 773 मतांनी निवडून आल्या, तर त्यांचे प्रतिस्पर्धी उद्धव ठाकरे शिवसेना गटाचे उमेदवार सुधाकर बडगुजर यांना 72 हजार 661 मते मिळाली. दिनकर पाटील यांना 46 हजार 390 मते मिळाल्याने मनसेचे इंजिन फक्त सातपूर भागातच चालल्याचे दिसून आले; मात्र दशरथ पाटील यांचा 1316 मतांचा आकडा त्यांना अद्यापही जनमताचा आधार नाही, हे दाखवून देत आहे.

Round No.	Dinkar Patil	Sudhakar Badgujar	Seema Hiray
1	2721	2504	3736
2	1130	2397	5825
3	5306	1532	3479
4	1025	3149	6076
5	780	2800	4805
6	2193	2128	4372
7	3749	2050	4093
8	2638	2070	3471
9	1615	2961	3943