जळगावमधील चोपडा येथे धक्कादायक घटना घडली आहे. येथे लेकीने प्रेमविवाह केल्याचा राग मात धरून सीआरपीएफच्या सेवानिवृत्त अधिकारी असलेल्या बापाने मुलीसह त्याच्या जावयावर केला गोळीबार केला आहे. या गोळीबारात मुलीचा जागीच मृत्यू झाला आहे, तर जावई गंभीर जखमी असून त्याच्यावर उपचार चालू आहे. सर्वांत हादरवून टाकणारी बाब म्हणजे मृत तृप्ती वाघ ही महिला चार महिन्यांची गर्भवती असल्याचे समोर आले आहे.
मिळालेल्या माहितीनुसार , तृप्तीने तिच्या वडिलांचा नकार असतानासुद्धा पळून जाऊन अविनाश यांच्यासोबत प्रेमविवाह केला होता. प्रेम विवाहानंतर तृप्ती तिच्या सासरी म्हणजेच पुण्यात राहात होती. पती अविनाश यांच्या सख्ख्या बहिणीचे जळगावच्या चोपडा शहरात लग्न असल्याकारणाने दोघेही लग्नासाठी चोपडा येथे आले होते. या ठिकाणी हळदीच्या कार्यक्रमानंतर सर्व नातेवाईक कुटुंबीय नाचत असताना याचवेळी तृप्तीचे वडील किरण मांगले तिथे आला.
त्याने त्याच्याकडे असलेल्या परवानाधारक पिस्तुलातून नाचत असलेल्या तृप्ती तसेच जावई अविनाश यांच्यावर गोळीबार केला. यात तृप्ती जागीच ठार झाली तर अविनाश याला कमरेत गोळी शिरल्याने तो गंभीर जखमी असून त्याला पुढील उपचारासाठी पुण्याला हलवण्यात आलं आहे. या घटनेनंतर हळदीच्या कार्यक्रमाच्या ठिकाणी उपस्थित संतप्त वऱ्हाडी ग्रामस्थांनी तृप्तीचे वडील किरण मांगले याला बेदम मारहाण केली.
एकीकडे सख्या मुलीचे लग्न असताना दुसरीकडे त्याच लग्नात सुनेची हत्या झाल्यामुळे तृप्तीच्या सासूसह सासरच्या नातेवाईकांना मोठा धक्का बसला आहे. सर्वांत हादरवून टाकणारी बाब म्हणजे मृत तृप्ती वाघ ही महिला चार महिन्यांची गर्भवती असल्याचे समोर आले आहे. म्हणजेच पोटची मुलगी गर्भवती असूनही या माथेफिरू अर्जुन मागंले या बापाने तिला गोळ्या घातल्या आहेत. त्यामुळे एकाच वेळी चक्क दोन जीव गेले आहेत.
मयत तृप्ती वाग आणि तिचा पती अविनाश हे दोघे पुण्याहून नातेवाईकाच्या लग्नासाठी चोपडा शहरात आले होते. यावेळी हळदीचा कार्यक्रम चालू होता. हा कार्यक्रम चालू असतानाच तृप्तीचा बाप घटनास्थळी आला आणि त्याने अनानकपणे तृप्ती आणि तिच्या नवऱ्यावर गोळीबार केला. हळदीच्या कार्यक्रमात तृप्ती आणि अविनाश हे दोघेही नाचत होते. चोपडा शहरातील आंबेडकर नगरमध्ये हा हळदीचा कार्यक्रम होत होता. ही घटना घडल्यानंतर ठरलेला विवाहसोहळा अत्यंत साधेपणाने पार पाडण्यात आला आहे. ज्या ठिकाणी लग्नाचा आनंद होता, त्याच ठिकाणी आज शोकाकुल वातावरण पाहायला मिळालं.
