स्थानिक स्वराज्य संस्था आणि महापालिका निवडणुकांच्या दृष्टीने राज्यातील सर्वच पक्ष तयारीला लागले आहेत. अशातच आता अजित पवारांच्या राष्ट्रवादी काँग्रेस पक्षाने बीएमसी निवडणूक २०२५ साठी आपल्या स्टार प्रचारकांची यादी जाहीर केली आहे.या यादीत पक्षाच्या अनेक दिग्गजांचा समावेश आहे.
या स्टार प्रचारकांमध्ये राष्ट्रवादी काँग्रेसचे राष्ट्रीय अध्यक्ष आणि उपमुख्यमंत्री अजितदादा पवार, राष्ट्रीय कार्याध्यक्ष खासदार प्रफुल पटेल, प्रदेशाध्यक्ष खासदार सुनिल तटकरे, वैद्यकीय शिक्षणमंत्री हसन मुश्रीफ, माजी मंत्री धनंजय मुंडे, अन्न व औषध प्रशासन मंत्री नरहरी झिरवाळ, क्रीडामंत्री माणिकराव कोकाटे, सहकारमंत्री बाबासाहेब पाटील, मदत व पुनर्वसन मंत्री मकरंद पाटील, कृषीमंत्री दत्तात्रय भरणे, विधानसभा उपाध्यक्ष अण्णा बनसोडे, महिला व बालविकास मंत्री अदिती तटकरे, पर्यटन राज्यमंत्री इंद्रनील नाईक, माजी मंत्री धर्मरावबाबा आत्राम, माजी मंत्री अनिल भाईदास पाटील यांचा समावेश करण्यात आला आहे.
तर, माजी मंत्री संजय बनसोडे, आमदार प्रताप पाटील – चिखलीकर, माजी मंत्री नवाब मलिक, नेते सयाजी शिंदे, अल्पसंख्याक महामंडळाचे अध्यक्ष मुश्ताक अंतुले, माजी खासदार समीर भुजबळ, आमदार अमोल मिटकरी, आमदार सना मलिक – शेख, महिला प्रदेशाध्यक्षा रुपालीताई चाकणकर, आमदार इद्रीस नायकवडी, माजी आमदार अनिकेत तटकरे, माजी आमदार झिशान सिद्दीकी, माजी आमदार राजेंद्र जैन, मुंबई कार्याध्यक्ष सिध्दार्थ कांबळे, प्रदेश सरचिटणीस सुरज चव्हाण, लहू कानडे, ओबीसी सेलचे प्रदेशाध्यक्ष कल्याण आखाडे, सामाजिक सेलचे प्रदेशाध्यक्ष सुनिल मगरे, अल्पसंख्याक सेलचे प्रदेशाध्यक्ष नाझेर काझी, महेश शिंदे, श्रीमती राजलक्ष्मी भोसले, सुरेखाताई ठाकरे, नजीब मुल्ला, श्रीमती प्रतिभाताई शिंदे, विकास पासलकर आदींचा समावेश आहे. तर रुपाली पाटील यांचे नाव या यादीतून वगळण्यात आले आहे.
पुण्यातील माजी नगरसेविका रुपाली पाटील ठोंबरे यांना मात्र स्टार प्रचारकांच्या यादीतही डच्चू मिळाला आहे. त्यामुळे रुपाली पाटील यांची गच्छंती निश्चित मानली जात आहे. विशेष म्हणजे, अमोल मिटकरी यांना स्थान देण्यात आले असले तरी, रुपाली ठोंबरे पाटील यांचे नाव मात्र यादीतून वगळण्यात आले आहे, तर रुपाली चाकणकर यांचे नाव यादीत कायम असल्याचे पाहायला मिळत आहे.
प्रवक्त्यांच्या यादीत स्थान न मिळालेले आमदार अमोल मिटकरी यांची स्टार प्रचारकांच्या यादीत वर्णी लागली आहे.
