राज्यात महानगरपालिका निवडणुकांचा रणसंग्राम सुरु आहे. १५ जानेवारीला महापालिका निवडणुकीसाठी मतदान तर १६ जानेवारीला या मतदानाचा निकाल आहे. दरम्यान अद्यापही राजकीय वर्तुळात मोठ्या घडामोडी घडत आहे. महापालिका निवडणुकीच्या मतदानाला अवघे दोन दिवस शिल्लक असतानाच नाशिकमध्ये भाजपने माजी महापौरांसह तब्बल ५४ पदाधिकारी व कार्यकर्त्यांची पक्षातून हकालपट्टी केल्याने सर्वाच्याच भुवया उंचावल्या आहे.
उमेदवारी न मिळाल्याने भाजपच्या अधिकृत उमेदवारांविरोधात बंडखोरी करणाऱ्या आणि अपक्ष किंवा इतर पक्षांकडून निवडणूक लढवणाऱ्यांवर ही कारवाई करण्यात आली आहे. त्यामुळे नाशिकच्या राजकीय वातावरणात एकच खळबळ उडाली असून ही कारवाई भाजपच्या नाशिकमधील इतिहासातील सर्वात मोठी हकालपट्टी मानली जात आहे.
या संदर्भात भाजप शहराध्यक्ष सुनील केदार यांनी स्पष्ट केले की, “पक्षाच्या अधिकृत उमेदवारांविरोधात निवडणूक लढवणे, तसेच अपक्ष किंवा इतर पक्षांकडून उमेदवारी स्वीकारणे ही गंभीर पक्षशिस्तभंगाची बाब आहे. त्यामुळे संबंधितांवर हकालपट्टीची कारवाई करण्यात आली आहे.”
हकालपट्टी झालेल्यांची नावे
या कारवाईत माजी महापौर अशोक मुर्तडक, माजी सभागृह नेते शशिकांत जाधव, सतीश सोनवणे व कमलेश बोडके, माजी गटनेते दिलीप दातीर, अनिल मटाले, माजी नगरसेवक पुनम सोनवणे, मिरा हांडगे, सुनीता पिंगळे, रुची कुंभारकर, मुकेश शहाणे, सतनाम राजपूत, गणेश मोरे, किरण गाडे, अंबादास पगारे, अलका अहिरे, पंडीत आवारे, दामोदर मानकर, कन्हय्या साळवे, वंदना मनचंदा, शीला भागवत, नंदीनी जाधव, बाळासाहेब पाटील, राजेश आढाव, जितेंद्र चोरडीया, सचिन मोरे, अमित घुगे, ज्ञानेश्वर काकड, ज्ञानेश्वर पिंगळे, चारुदत्त आहेर, तुषार जोशी, सचिन हांडगे, प्रकाश दिक्षीत, रतन काळे, ऋषीकेश आहेर, ऋषीकेश डापसे, कैलास अहिरे, शाळिग्राम ठाकूर, कल्पेश ठाकूर, मनोज तांबे, शरद शिंदे, शरद इंगळे, प्रभा काठे, स्मिता बोडके, योगिता राऊत, बाळासाहेब घुगे, शंकर विधाते, प्रेम पाटील, रत्ना सातभाई, सविता गायकर, राहुल कोथमिरे, शीतल साळवे, एकनाथ नवले यांचा समावेश आहे.
