नाशिक : येथील गोल्डन होरायझन स्कूलने एक ज्ञानसमृद्ध व प्रेरणादायी प्रकल्प साकारला आहे. त्याचे नाव आहे "नाशिकचा इतिहास". ज्याचा उद्देश विद्यार्थ्यांमध्ये आपल्या शहराच्या समृद्ध सांस्कृतिक आणि ऐतिहासिक वारशाविषयी सखोल जाण व अभिमान निर्माण करणे हा आहे.
हा प्रकल्प साकारताना विद्यार्थ्यांची मेहनत, शिक्षकांचे मार्गदर्शन आणि स्थानिक इतिहासकारांचे सखोल संशोधन व सहकार्य. यांचा परिणाम म्हणजे – नाशिकच्या इतिहासावर आधारित एक उत्कृष्ट ‘कॉफी टेबल बुक’ तयार करण्यात आले आहे. या पुस्तकात नाशिकचा भूतकाळ ते वर्तमान असा प्रवास, दृश्यात्मक व कथात्मक स्वरूपात प्रभावीपणे मांडण्यात आला आहे.
मुख्य वैशिष्ट्ये:
- नाशिकचे प्राचीन मूळ आणि पौराणिक महत्त्व
- स्वातंत्र्यलढ्यातील नाशिकचे योगदान
- वास्तुशैली, सांस्कृतिक परंपरा आणि शिक्षण, उद्योग व कला क्षेत्रातील आधुनिक योगदान
या उपक्रमाच्या माध्यमातून काय साध्य होणार :
- विद्यार्थ्यांमध्ये आपल्या शहराबद्दल अभिमान व आपुलकीची भावना निर्माण करणे
- स्थानिक इतिहासाचा अभ्यास व वारसा जपण्यासाठी जनसामान्यांना प्रोत्साहन देणे
- नाशिकच्या उत्क्रांतीचा विस्तृत इतिहास प्रभावीपणे सादर करणे
"नाशिकचा इतिहास" हा प्रकल्प केवळ भूतकाळातील स्मृती नव्हे, तर विद्यार्थ्यांना सामाजिक जाणीव देत भविष्याची दिशा ठरवणारा एक प्रेरणादायी दस्तऐवज आहे.
सर्व शाळांनी हा उपक्रम आपल्या अभ्यासक्रमाचा भाग करून विद्यार्थ्यांना आपल्या शहराच्या इतिहासाशी जोडणे अत्यंत आवश्यक आहे.
