एकतर्फी प्रेमातून शुभम भागवत या २२ वर्षीय तरुणाने १५ वर्षांच्या राष्ट्रीय कबड्डीपटू मुलीचा निघृण खून केला होता. माथेफिरू शुभमने मुलीचा गळा चिरून धड शिरापासून वेगळे केले होते.२२ ऑक्टोबर २०२१ मध्ये पुण्यातील बिबवेवाडीमध्ये ही धक्कादायक घटना घडली होती. शुभमच्या प्रेमाला १५ वर्षाच्या मुलीने स्पष्ट शब्दात नकार दिला होता याचाच राग मनात धरून शुभमने तिचा जीव घेतला होता. त्यानंतर पोलिसांनी तात्काळ त्याला अटक केली. मंगळवारी कोर्टाने शुभम याला जन्मठेपेची शिक्षा सुनवाली.
खून झालेल्या मुलीच्या चुलत बहिणीने याबाबत बिबवेवाडी पोलिस ठाण्यात तक्रार दिली होती. बिबवेवाडीतील यश लॉन्स येथे २०२१ मध्ये शुभम याने त्या मुलीची हत्या केली होती. २२ वर्षाचा शुभमने आठवतील मुलीचा खून केला.त्याला कारण म्हणजे प्रेमात मिळालेला नकार. त्याशिवाय तिने शुभमसोबत फोनवर बोलणेही टाळले होते. त्यामुळेच रागाच्या भरात २२ ऑक्टोबर रोजी आरोपी शुभम याने त्या मुलीवर चाकूने २२ वेळा वार केले. त्यानंतर गळा चिरून मुलीचे धड शरीरापासून वेगळे केले होते.
मृत मुलीच्या बहिणीच्या तक्रारीनंतर पोलिसांनी तात्काळ कारवाईला सुरूवात केली. त्यांनी पुरावे गोळे केले. त्यांनी या प्रकरणात २२ साक्षीदारांची साक्ष नोंदवली. काही प्रत्यक्षदर्शींनी आरोपीची कोर्टात ओळख पटवली. शुभमच्या विरोधात कोर्टात साक्ष दिली. दरम्यान, मृत मुलगी ही आईवडिलांचे एकुलते एक अपत्य होती असा युक्तिवादही विशेष सरकारी वकील ॲड. हेमंत झंजाड यांनी कोर्टात केला. न्यायाधीशाने आरोपीला जन्मठेपेची शिक्षा सुनवाली. ते म्हणाले की, पोस्टमार्टम रिपोर्ट्नुसार मुलीच्या मृतदेहावर २५ जखमा आढळल्या. या गुन्ह्यासाठी मृत्युदंड किंवा जन्मठेप या दोनच तरतुदी आहेत. जन्मठेपेची शिक्षा ही आरोपीसाठी योग्य शिक्षा आहे.
