पुण्याचे माजी खासदार आणि क्रीडा विश्वातील मोठे नाव असलेले सुरेश कलमाडी यांचे आज वृद्धापकाळाने निधन झाले. ते ८२ वर्षांचे होते. गेल्या काही काळापासून ते आजारपणाशी झुंज देत होते. सुरेश कलमाडी यांच्या जाण्याने मोठा धक्का लोकांना बसलाय. पुण्याच्या राजकारणात कधीही न भरून निघणारी पोकळी निर्माण झाली.
सुरेश कलमाडी यांचे पार्थिव आज दुपारी २ वाजेपर्यंत त्यांच्या निवासस्थानी अंतिम दर्शनासाठी ठेवण्यात येणार आहे. त्यानंतर सायंकाळी त्यांच्यावर शासकीय इतमामात अंत्यसंस्कार करण्यात येणार असल्याची माहिती मिळत आहे. पुणे शहरातील अनेक दिग्गज राजकीय नेते आणि त्यांचे समर्थक दर्शनासाठी त्यांच्या निवासस्थानी गर्दी करत आहेत.
सुरेश कलमाडी यांनी भारतीय हवाई दलात पायलट म्हणून सुरूवात केली. त्यानंतर राजकारणात सक्रिय झाले. केंद्रीय मंत्री, पुण्याचे खासदार हेच नाही तर भारतीय ऑलिम्पिक असोसिएशनचे ते अध्यक्ष देखील होते. पक्षानेही वेळोवेळी सुरेश कलमाडी यांच्यावर महत्वाच्या जबाबदाऱ्या सोपावल्या. पुण्याचे नाव लाैकिक त्यांनी जगभरात पोहोचवले.
सुरेश कलमाडी यांनी 1935 साली पाकिस्तान आणि 1971 मध्ये बांगलादेश तेव्हायाच पूर्न पाकिस्तान विरोधात भारतीय वायूसेनेचे पायलट म्हणून कर्तव्य बजावले होते. पुण्यातील नॅशनल डिफेन्स अॅकॅडमीमधून इंडियन एअर फोर्समध्ये 1960 मध्ये दाखल झाले होते. अनेक वर्ष त्यांनी देशासाठी सेवा बजावली. 1974 मध्ये त्यांनी निवृत्ती स्विकारली आणि ते राजकारणात दाखल झाले.
कॉंग्रेस पक्षाने दिलेली प्रत्येक जबाबदारी त्यांनी पार पाडली. संजय गांधीचे निकवर्तीय सुरेश कलमाडी मानले जात. 1982 साली ते राज्यसभा खासदार झाले. कायमच त्यांची रूची खेळामध्ये होती. देशातील क्रिडा क्षेत्र कशाप्रकारे पुढे नेता येईल, याकरिता ते प्रयत्न करत. मात्र, सुरेश कलमाडी यांच्यावर यादरम्यान भ्रष्टाचाराचेही आरोप झाले. अनेक मोठ्या स्पर्धांचे ते पुण्यात आयोजन करत.
