महाराष्ट्रासाठी आजची सकाळ मोठी धक्कादायक ठरली आहे. महाराष्ट्राने एक मोठा लाडका नेता गमावला आहे. राष्ट्रवादी काँग्रेसचे प्रमुख आणि महाराष्ट्राचे उपमुख्यमंत्री अजित पवार यांचा विमाान अपघातात दुर्दैवी मृत्यू झाला. बारामतीतत लँडिंगदरम्यान अजित पवार यांचं विमान कोसळलं आणि त्याला भीषण आग लागली. या दुर्दैवी अपघातात अजित पवार यांच्यासह ६ जणांचा मृत्यू झाला आहे. अपघात इतका भयानक होता की विमान पूर्णपणे उद्ध्वस्त झाले आणि हवेत धुराचे लोट पसरले. त्यांच्या निधनामुळे संपूर्ण राज्यावर शोककळा पसरली आहे.
अजित पवार हे महाराष्ट्राच्या राजकारणातील एक असे नाव होते ज्यांनी अनेक दशकं सत्ता आणि संघटना दोन्हीवर मजबूत पकड राखली. अजित पवार यांनी 1982 मध्ये राजकारणात प्रवेश केला आणि महाराष्ट्राच्या राजकीय क्षेत्रात कमी वेळात स्वतःचे स्थान निर्माण केले. त्यांचे काका शरद पवार यांच्यासोबत त्यांनी काँग्रेस पक्ष आणि नंतर फुटलेला राष्ट्रवादी काँग्रेस पक्ष मजबूत करण्यात महत्त्वाची भूमिका बजावली.भल्या पहाटे उठून काम करणाऱ्या नेत्यांमध्ये अजित पवार यांचं हमखास नाव घेतलं जायचं. 6 वेळा उपमुख्यमंत्रीपदाची शपथ घेण्याचा रेकॉर्ड त्यांच्या नावे होता. प्रशासनावर असलेला त्यांचा वचक आणि राजकारणतला त्यांचा दबदबा सर्वश्रुत होता. त्यांची राजकीय कारकीर्द कशी होती जाणून घ्या.
अजित अनंतराव पवार यांची राजकीय कारकीर्द
नाव : अजित अनंतराव पवार
जन्मतारीख: 22 जुलै 1959
जन्मस्थान: देवळाली प्रवरा, राहुरी तालुका, अहमदनगर जिल्हा
शिक्षण: बी.कॉम
पत्नी - सौ.सुनेत्रा अजित पवार
मुले: 2 - पार्थ आणि जय
बारामती विद्या प्रतिष्ठानचे विश्वस्त.
सदस्य वसंतदादा शुगर इन्स्टिट्यूट संस्था, पुणे
रयत शिक्षण संस्था, सातारा संचालक
महाराष्ट्र राज्य खो-खो असोसिएशनचे अध्यक्ष – ऑगस्ट 2006 ते 19 ऑगस्ट 2018.
पुणे जिल्हा शिक्षण मंडळाचे अध्यक्ष – सप्टेंबर 2006 पासून
महाराष्ट्र ऑलिम्पिक असोसिएशन – मार्च 2013 पासून
सेवादास संचालक : महानंद आणि महाराष्ट्र राज्य सहकारी साखर कारखाना संघ, मुंबई
महाराष्ट्र राज्य कबड्डी असोसिएशन - सप्टेंबर 2005 ते मार्च 2013 आणि 25 नोव्हेंबर 2018 पासून अध्यक्ष म्हणून काम करत आहे
पूर्वीच्या विधानसभा / विधानपरिषद / लोकसभा / राज्यसभेचे सदस्य आणि संसद सदस्य / समिती प्रमुख म्हणून केलेले काम (कार्यकाळात)
लोकसभा सदस्य : जून 1991 ते सप्टेंबर 1991
विधानसभा सदस्य : 1991 ते 1995, 1995 ते 1999, 1999 ते 2004, 2004 ते 2009, 2009 ते सप्टेंबर 2014, 2014 ते 26 सप्टेंबर 2019. 2019 ते 2024
राज्य/केंद्रीय मंत्री/राज्यमंत्री म्हणून केलेले काम (कार्यकाळ)
कृषी आणि ऊर्जा राज्यमंत्री: जून 1991 ते नोव्हेंबर 1992
पाणीपुरवठा, ऊर्जा आणि नियोजन राज्यमंत्री: नोव्हेंबर 1992 ते फेब्रुवारी 1993
पाटबंधारे मंत्री (कृष्णा खोरे आणि कोकण पाटबंधारे), फलोत्पादन : ऑक्टोबर 1999 ते जुलै 2004
ग्रामीण विकास, पाणीपुरवठा आणि स्वच्छता, पाटबंधारे मंत्री (कृष्णा खोरे आणि कोकण पाटबंधारे विकास महामंडळ): जुलै 2004 ते नोव्हेंबर 2004
जलसंपदा मंत्री (कृष्णा खोरे पाटबंधारे वगळून), जलसंपदा आणि स्वच्छता : नोव्हेंबर 2004 ते नोव्हेंबर 2009.
जलसंपदा मंत्री (कृष्णा खोरे आणि कोकण पाटबंधारे वगळून), ऊर्जा : नोव्हेंबर 2009 ते नोव्हेंबर 2010
उपमुख्यमंत्री (वित्त, नियोजन आणि ऊर्जा): नोव्हेंबर 2010 ते सप्टेंबर 2012
उपमुख्यमंत्री (वित्त, नियोजन आणि ऊर्जा): डिसेंबर 2012 ते सप्टेंबर 2014
उपमुख्यमंत्री : 23 नोव्हेंबर ते 26 नोव्हेंबर 2019
उपमुख्यमंत्री : 30 डिसेंबर 2019 ते 29 जून 2022
विरोधी पक्षनेते : 4 जुलै 2022 ते 30 जून 2023
उपमुख्यमंत्री : 2 जुलै 2023 ते 26 नोव्हेंबर 2024
आता महायुती सरकारच्या काळात देखील ते उपमुख्यमंत्री आणि अर्थमंत्री म्हणून कार्यरत होते. अजित पवार यांच्या जाण्याने महाराष्ट्रवर शोककळा पसरली आहे. अपघाताच्या फोटो आणि व्हिडीओनंतर हे स्पष्ट झाले की, हा अपघात अत्यंत गंभीर आहे. अजित पवार यांच्यासोबत या विमानात त्यांचे पीए आणि काही बॉडीगार्डही होते. या अपघाताची आता उच्च स्तरावर चौकशीचे आदेश देण्यात आले आहे.
