प्रेम प्रकरणातून एका प्रेमी युगुलाने आत्महत्या केल्याची धक्कादायक घटना कोल्हापूर जिल्ह्याच्या राधानगरी तालुक्यात घडली आहे. या घटनेत एका अल्पवयीन मुलीचा आणि एका तरुणाचा समावेश आहे. दोघांचा राधानगरीच्या घनदाट जंगलात एकाच झाडाला गळफास घेतलेल्या अवस्थेत मृतदेह आढळला आहे. या घटनेने परिसरात हळहळ व्यक्त आहे.
मिळालेल्या माहितीनुसार, राधानगरी तालुक्यातील शेळेवाडी येथील ओंकार बरगे नावाच्या तरुणाचे गावातीलच एका अल्पवयीन मुलीसोबत प्रेमसंबंध होते. शुक्रवारी दुपारी तीनच्या सुमारास राधानगरीच्या जंगलात एकाच झाडाला दोघंही लटकलेल्या अवस्थेत आढळून आले. त्यांनी आत्महत्या केली ही त्यांच्यासोबत काही घातपात घडला? याबाबत आता संशय निर्माण झाला आहे.
स्थानिक नागरिकांना ही बाब लक्षात येताच त्यांनी तातडीने पोलिसांना माहिती दिली. पोलिसांनी घटनास्थळी धाव घेत मृतदेह खाली उतरवले आणि पंचनामा केला.या प्रेमी युगुलाने आत्महत्येसारखे टोकाचे पाऊल का उचलले, याचे नेमके कारण अद्याप समजू शकलेले नाही. घरच्यांचा विरोधा होता की अन्य काही वैयक्तिक कारण होते, याचा तपास पोलीस करत आहेत.
